ಹಣ ಡಬ್ಬಲ್ ಆಗುವ ಆಮಿಷ ತೋರಿಸಿ ಮೋಸ
ಮಂಗಳೂರು : ಮಂಗಳೂರಿನ ವ್ಯಕ್ತಿಯೊಬ್ಬರಿಗೆ ಆನ್ಲೈನ್ ಮೂಲಕ 18.43 ಲಕ್ಷ ರೂ. ವಂಚಿಸಿದ ಕುರಿತು ಪ್ರಕರಣ ದಾಖಲಾಗಿದೆ. ಡಿಜಿಟಲ್ ವಹಿವಾಟಿನ ಮೂಲಕ 18.43 ಲಕ್ಷ ರೂಪಾಯಿ ಕಳೆದುಕೊಂಡಿದ್ದಾರೆ ಎಂದು ಸೈಬರ್ ಅಪರಾಧ ಪೊಲೀಸರು ತಿಳಿಸಿದ್ದಾರೆ.
ಕಳೆದ ವರ್ಷ ಡಿಸೆಂಬರ್ನಲ್ಲಿ ಡಿಜಿಟಲ್ ಮಾರ್ಕೆಟಿಂಗ್ ಮೂಲಕ ತ್ವರಿತ ಹಣ ಗಳಿಸುವ ವಿವರಗಳನ್ನು ನೀಡುವ ಅಪರಿಚಿತ ಸಂಖ್ಯೆಯೊಂದರಿಂದ ವ್ಯಕ್ತಿಗೆ ವಾಟ್ಸಾಪ್ ಸಂದೇಶ ಬಂದಿದೆ. ಆ ನಂಬರ್ನಿಂದ ಕಳುಹಿಸಿದ ಟೆಲಿಗ್ರಾಂ ಚಾನೆಲ್ಗೆ ಅವರು ಸೇರಿಕೊಂಡಿದ್ದಾರೆ. ಚಾನಲ್ ಮೂಲಕ ವೆಬ್ಸೈಟ್ನಲ್ಲಿ ನೋಂದಾಯಿಸಿಕೊಳ್ಳುವಂತೆ ಅಪರಿಚಿತರು ಸೂಚಿಸಿದ್ದಾರೆ. ಅದರಂತೆ ನೋಂದಾಯಿಸಿಕೊಂಡು ಡಿ.18ರಂದು 9,000 ರೂ. ಪಾವತಿಸಿದ್ದಾರೆ ಮತ್ತು ತಕ್ಷಣವೇ ಹಣವನ್ನು ಮರಳಿ ಪಡೆದಿದ್ದಾರೆ.
ನಂತರ, ಅಪರಿಚಿತರ ವಿವಿಧ ಹಂತಗಳಲ್ಲಿ ಹಣವನ್ನು ಹಣವನ್ನು ಕಳುಹಿಸಲು ಹೇಳಿದ್ದಾರೆ ಮತ್ತು ವೆಬ್ಸೈಟ್ನ ಡೇಟಾದಲ್ಲಿ ಹಣವನ್ನು ದ್ವಿಗುಣಗೊಳಿಸಲಾಗಿದೆ ಎಂದು ತೋರಿಸಿದ್ದಾರೆ. ಈ ಸಂದೇಶವನ್ನು ನಂಬಿವಿವಿಧ ವಹಿವಾಟಿನಲ್ಲಿ ಒಟ್ಟು 18.43 ಲಕ್ಷ ರೂ. ಕಳುಹಿಸಿದ್ದಾರೆ.
ನಂತರ ವ್ಯಕ್ತಿ ತಾನು ಹೂಡಿಕೆ ಮಾಡಿದ ಹಣವನ್ನು ಮರಳಿ ಪಡೆಯಲು ಪ್ರಯತ್ನಿಸಿದಾಗ ಅಪರಿಚಿತರು ಮತ್ತೆ ಹಣ ನೀಡುವಂತೆ ಕೇಳಿದ್ದಾರೆ. ನಂತರ ಅವರು ಹೆಚ್ಚಿನ ಹಣವನ್ನು ಕಳುಹಿಸಲು ನಿರಾಕರಿಸಿದ್ದಾರೆ ಮತ್ತು ಅವರು ಹೂಡಿಕೆ ಮಾಡಿದ ಮೊತ್ತವನ್ನು ಕೇಳಿದ್ದಾರೆ. ಆಗ ಅಲ್ಲಿಂದ ಯಾವುದೇ ಪ್ರತಿಕ್ರಿಯೆ ಲಭ್ಯವಾಗಿಲ್ಲ ಎಂದು ದೂರಿನಲ್ಲಿ ತಿಳಿಸಲಾಗಿದೆ.
