ಕಾರ್ಕಳ: ಕರಾವಳಿ ಭಾಗದಲ್ಲಿ ಅಡಿಕೆ ಬೆಳೆಗೆ ಸೂಕ್ತ ಪರ್ಯಾಯ ಬೆಳೆಗಳಲ್ಲಿ ಒಂದಾಗಿ ಇತ್ತೀಚಿನ ವರ್ಷಗಳಲ್ಲಿ ಹೆಚ್ಚು ಪ್ರಚಲಿತದಲ್ಲಿರುವ ಬೆಳೆಯಾದ ತಾಳೆ ಬೆಳೆ ಕುರಿತು ಮಾಹಿತಿ ಕಾರ್ಯಕ್ರಮವನ್ನು ತೋಟಗಾರಿಕೆ ಇಲಾಖೆ, ಕಾರ್ಕಳ, 3 ಎಫ್ ಆಯಿಲ್ ಪಾಮ್ ಪ್ರೈ. ಲಿ ಹಾಗೂ ಶ್ರೀ ಭಾರತಿ ಎಣ್ಣೆ ತಾಳೆ ಬೆಳೆಗಾರರ ಸಹಕಾರಿ ಸಂಘ ನಿ. ಕಾರ್ಕಳ ಇವರ ಸಂಯುಕ್ತ ಆಶ್ರಯದಲ್ಲಿ ನ. 20 ರಂದು ಪೂರ್ವಾಹ್ನ: 10:00 ಗಂಟೆ ಅರುಣ್ ಹೆಗ್ಡೆ, ಕಡ್ತಲ, ಕಾರ್ಕಳ ತಾಲ್ಲೂಕು ರವರ ತಾಳೆ ತೋಟದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಕಾರ್ಯಕ್ರಮದಲ್ಲಿ ಎಣ್ಣೆ ತಾಳೆ ಕೃಷಿಯಿಂದ ರೈತರಿಗೆ ಆಗುವ ಪ್ರಯೋಜನಗಳು ಹಾಗೂ ಬೆಳೆ ನಿರ್ವಹಣೆ ಕುರಿತು ಮಾಹಿತಿಯನ್ನು ನೀಡಲಾಗುವುದು.
ಸಂಪನ್ಮೂಲ ವ್ಯಕ್ತಿಗಳಾಗಿ ಶ್ರೀಕಾಂತ ಕುಮಾರ್ , ವ್ಯವಸ್ಥಾಪಕರು (ಸಂಶೋಧನೆ & ಅಭಿವೃದ್ಧಿ) 3 ಎಫ್ ಆಯಿಲ್ ಪಾಮ್ ಪ್ರೈ. ಲಿ ರವರು ಅಗಮಿಸಲಿದ್ದಾರೆ.

ರೈತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮದ ಸದುಪಯೋಗ ಪಡೆಯಲು ಕೋರಿದೆ. ತಾಳೆ ಬೆಳೆ ಕೈಗೊಳ್ಳುವ ರೈತರಿಗೆ ತೋಟಗಾರಿಕೆ ಇಲಾಖೆ ವತಿಯಿಂದ ನಾಟಿ ಹಾಗೂ ನಿರ್ವಹಣೆಯನ್ನು ಸೇರಿದಂತೆ ವಿವಿಧ ಚಟುವಟಿಕೆಗಳಿಗೆ ಸಹಾಯಧನ ಲಭ್ಯವಿದೆ.




























































