ವೆಬ್ಸೈಟ್ನಲ್ಲಿ ಅಂತಿಮ ಪರೀಕ್ಷೆ ವೇಳಾಪಟ್ಟಿ ಪ್ರಕಟ
ಬೆಂಗಳೂರು : ಸೆಂಟ್ರಲ್ ಬೋರ್ಡ್ ಆಫ್ ಸೆಕಂಡರಿ ಎಜುಕೇಶನ್ (ಸಿಬಿಎಸ್ಇ) 2023-2024ರ ಶೈಕ್ಷಣಿಕ ವರ್ಷದ 10 ಮತ್ತು 12ನೇ ತರಗತಿ ಬೋರ್ಡ್ ಪರೀಕ್ಷೆಗಳು ಫೆಬ್ರವರಿ 15ರಿಂದ ಪ್ರಾರಂಭವಾಗಲಿವೆ. 10ನೇ ತರಗತಿಗಳ ಅಂತಿಮ ಪರೀಕ್ಷೆ 2024ರ ಮಾರ್ಚ್ 13ರಂದು, ಪಿಯುಸಿ ಅಂತಿಮ ಪರೀಕ್ಷೆ ಏಪ್ರಿಲ್ 2ರಂದು ನಡೆಯಲಿದೆ.
ಸಿಬಿಎಸ್ಇ 10 ಮತ್ತು 12 ನೇ ತರಗತಿ ಪರೀಕ್ಷೆಗಳು ಬೆಳಗ್ಗೆ 10.30ರಿಂದ ಮಧ್ಯಾಹ್ನ 1.30 ರವರೆಗೆ ನಡೆಯಲಿವೆ. ವಿದ್ಯಾರ್ಥಿಗಳು ಸಿಬಿಎಸ್ಇ ವೆಬ್ಸೈಟ್ cbse.gov.inನಲ್ಲಿ ಈ ಪರೀಕ್ಷಾ ದಿನಾಂಕ ಪ್ರಕಟಿಸಲಾಗಿದೆ.
10ನೇ ತರಗತಿಯ ಸಿಬಿಎಸ್ಇ ಬೋರ್ಡ್ ಪರೀಕ್ಷೆಯು 2024ರ ಫೆಬ್ರವರಿ 15ರಿಂದಲೇ ಆರಂಭಗೊಂಡರೂ ಪ್ರಮುಖ ವಿಷಯದ ಪರೀಕ್ಷೆ ನಡೆಯುವುದು ಫೆಬ್ರವರಿ 21ರಂದು. ಹಿಂದಿ ಕೋರ್ಸ್ ಎ ಮತ್ತು ಕೋರ್ಸ್ ಬಿ ಯೊಂದಿಗೆ ಈ ಪರೀಕ್ಷೆ ಪ್ರಾರಂಭವಾಗುತ್ತದೆ. ಮಾರ್ಚ್ 11ರಂದು ಕೊನೆಯ ಮುಖ್ಯ ವಿಷಯ ಗಣಿತ ಪರೀಕ್ಷೆ ನಡೆಯಲಿದೆ. ಪ್ರಾಯೋಗಿನ ಪರೀಕ್ಷೆಗಳು ಜನವರಿ 1ರಿಂದ ಶುರುವಾಗಲಿವೆ.
10ನೇ ತರಗತಿ ವೇಳಾಪಟ್ಟಿ
ಫೆಬ್ರವರಿ 21 – ಹಿಂದಿ
ಫೆಬ್ರವರಿ 24 – ಕನ್ನಡ
ಫೆಬ್ರವರಿ 26 – ಇಂಗ್ಲಿಷ್
ಮಾರ್ಚ್ 2 – ವಿಜ್ಞಾನ
ಮಾರ್ಚ್ 7 – ಸಮಾಜ ವಿಜ್ಞಾನ
ಮಾರ್ಚ್ 11 – ಗಣಿತ
12ನೇ ತರಗತಿ ಬೋರ್ಡ್ ಪರೀಕ್ಷೆ ವೇಳಾಪಟ್ಟಿ
ಫೆಬ್ರವರಿ 15 – ಉದ್ಯಮಶೀಲತೆ, ಅಡುಗೆ ಪುಸ್ತಕ, ಬಂಡವಾಳ ಮಾರುಕಟ್ಟೆ, ದೈಹಿಕ ಚಟುವಟಿಕೆ ತರಬೇತುದಾರ
ಫೆಬ್ರವರಿ 19 – ಹಿಂದಿ ಕೋರ್ ಮತ್ತು ಹಿಂದಿ ಐಚ್ಛಿಕ
ಫೆಬ್ರವರಿ 22- ಇಂಗ್ಲಿಷ್ ಕೋರ್, ಇಂಗ್ಲಿಷ್ ಇಲೆಕ್ಟಿವ್, ಇಂಗ್ಲೀಷ್ ಇಲೆಕ್ಟಿವ್ ಸಿಬಿಎಸ್ಇ (ಫಂಕ್ಷನಲ್ ಇಂಗ್ಲಿಷ್) ಪರೀಕ್ಷೆ
ಫೆಬ್ರವರಿ 27- ರಸಾಯನಶಾಸ್ತ್ರ
ಫೆಬ್ರವರಿ 29 – ಭೂಗೋಳ ಶಾಸ್ತ್ರ
ಮಾರ್ಚ್ 19- ಜೀವಶಾಸ್ತ್ರ
ಏಪ್ರಿಲ್ 2 – ಮಾಹಿತಿ ಅಭ್ಯಾಸ, ಕಂಪ್ಯೂಟರ್ ವಿಜ್ಞಾನ ಮತ್ತು ಮಾಹಿತಿ ತಂತ್ರಜ್ಞಾನ
ದೇಶದಾದ್ಯಂತ ಎಲ್ಲ ಸಿಬಿಎಸ್ಇ ಶಾಲೆಗಳು ಮತ್ತು ವಿದೇಶದಲ್ಲಿರುವ ಎಲ್ಲಾ ಸಿಬಿಎಸ್ಇ ಶಾಲೆಗಳು ಈ ಟೈಮ್ ಟೇಬಲ್ ಪ್ರಕಾರ ಪರೀಕ್ಷೆಗಳನ್ನು ನಡೆಸಬೇಕು. ಅಲ್ಲದೆ ಸಿಬಿಎಸ್ಇ 12ನೇ ತರಗತಿಯ ಪ್ರಾಯೋಗಿಕ ಪರೀಕ್ಷೆಗಳು ಜನವರಿ 1ರಿಂದ ಪ್ರಾರಂಭವಾಗಲಿವೆ.
ಸಿಬಿಎಸ್ ವೆಬ್ಸೈಟ್ cbse.gov.in ಅಥವಾ cbse.nic.in ಮಂಡಳಿಯ ಶೈಕ್ಷಣಿಕ ವೆಬ್ಸೈಟ್ನಿಂದ ವೇಳಾಪಟ್ಟಿ ಡೌನ್ಲೋಡ್ ಮಾಡಿಕೊಳ್ಳಬಹುದು.
