ಧಾರ್ಮಿಕ ಕೇಂದ್ರಗಳ ಪಾವಿತ್ರ್ಯ ರಕ್ಷಣೆಗೆ ಜೈನ ಬ್ರಿಗೇಡ್‌ ತಂಡದ ಮನವಿ

0

ಕಾರ್ಕಳ : ಕಾರ್ಕಳದ ಪ್ರಸಿದ್ಧ ಧಾರ್ಮಿಕ ಕೇಂದ್ರಗಳಾದ ಬಾಹುಬಲಿ ಬೆಟ್ಟ, ಚತುರ್ಮುಖ ಬಸದಿ, ಆನೆಕೆರೆ ಬಸದಿ ಆವರಣದಲ್ಲಿ ಯಾತ್ರಾರ್ಥಿಗಳು, ಭಕ್ತರಿಗೆ ಮುಜುಗರವಾಗುವ ರೀತಿಯಲ್ಲಿ ಕೆಲವೊಂದು ಪ್ರೇಮಿಗಳ ಸುತ್ತಾಟ, ಪ್ರೀ-ವೆಡ್ಡಿಂಗ್ ಫೋಟೋ ಶೂಟ್ ನಡೆಯುತ್ತಿದೆ. ಮದ್ಯಪಾನ ಮಾಡುವಂತಹ ದೃಶ್ಯಗಳು ಈ ಪರಿಸರದಲ್ಲಿ ಕಂಡುಬರುತ್ತಿದೆ. ಆದ್ದರಿಂದ, ಇದಕ್ಕೆಲ್ಲ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಅಂತಹವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ನ. 5ರಂದು ಕಾರ್ಕಳ ಜೈನ್ ಬ್ರಿಗೇಡ್ ನ ಸದಸ್ಯರು ತಹಶೀಲ್ದಾರ್‌ ಪುರಂದರ ಹೆಗ್ಡೆ, ಮುಖ್ಯಾಧಿಕಾರಿ ರೇಖಾ ಜೆ. ಶೆಟ್ಟಿ, ಕಾರ್ಕಳ ನಗರ ಪೊಲೀಸ್‌ ಠಾಣೆ ಎಸ್‌ಐ ಮಧು ಬಿ.ಇ. ಅವರಿಗೆ ಮನವಿ ಸಲ್ಲಿಸಿದರು. ಈ ಸಂದರ್ಭ ಆನೆಕೆರೆ ಬಸದಿ ಮೊಕ್ತೇಸರ ಉದಯ ಕಡಂಬ, ಪುರೋಹಿತ ಸುನಿಲ್ ಇಂದ್ರ ಹಾಗೂ ಬ್ರಿಗೇಡ್‌ನ ಸದಸ್ಯರಿದ್ದರು.

ನ್ಯೂಸ್‌ ಕಾರ್ಕಳ ವರದಿ

ಕಾರ್ಕಳದಲ್ಲಿನ ಪುರಾತನ, ವಿಶ್ವ ವಿಖ್ಯಾತ ಧಾರ್ಮಿಕ ಕೇಂದ್ರಗಳ ಆವರಣದಲ್ಲಿ ಪ್ರಿ-ವೆಡ್ಡಿಂಗ್‌ ಫೋಟೋ ಶೂಟ್‌, ಪ್ರೇಮಿಗಳ ಸುತ್ತಾಟ ನಡೆಯುತ್ತಿರುವ ಕುರಿತು ನ್ಯೂಸ್‌ ಕಾರ್ಕಳ ನ. 1ರಂದು ವರದಿ ಪ್ರಕಟಿಸಿತ್ತು. ಇದೀಗ ಜೈನ ಬ್ರಿಗೇಡ್‌ ತಂಡ ಸಂಬಂಧಪಟ್ಟ ಅಧಿಕಾರಿಗಳಿಗೆ ಮನವಿ ಸಲ್ಲಿಸುವ ಮೂಲಕ ಧಾರ್ಮಿಕ ಕೇಂದ್ರದ ಪಾವಿತ್ರ್ಯ ಕಾಪಾಡುವ ನಿಟ್ಟಿನಲ್ಲಿ ಕಾರ್ಯೊನ್ಮುಖವಾಗಿದೆ.

Previous articleಆರ್.ಆರ್. ನಗರ – ಶಿರಾ ಗೆಲ್ಲೋದು ಯಾರು?
Next articleಇನ್ನು ವಾಟ್ಸಪ್‌ ಮೂಲಕ ಪೇಮೆಂಟ್‌ ಮಾಡಬಹುದು : ಭಾರತದಲ್ಲಿ ವಾಟ್ಸಪ್‌ ಪೇ ಚಾಲನೆ

LEAVE A REPLY

Please enter your comment!
Please enter your name here