Author name: newskarkala desk

ಕಾರ್ಕಳ : ಕಾರ್ಕಳ ಸುಂದರ ಪುರಾಣಿಕ ಸ್ಮಾರಕ ಸರಕಾರಿ ಪ್ರೌಢಶಾಲೆ ಪೆರ್ವಾಜೆ ಇಲ್ಲಿಯ ಹಳೆ ವಿದ್ಯಾರ್ಥಿ ಗೌತಮ್ ಜ್ಯೋತ್ಸ್ನಾ ಅವರು ಕುವೆಂಪು ವಿಶ್ವ ವಿದ್ಯಾಲಯದಿಂದ ಡಾಕ್ಟರೇಟ್‌ ಪದವಿಗೆ ಭಾಜನರಾಗಿರುತ್ತಾರೆ. ಕುವೆಂಪು ವಿವಿಯ ಪ್ರಾಧ್ಯಾಪಕ ಡಾ. ನಾಗ್ಯಾ ನಾಯ್ಕ್ ಬಿ. ಎಚ್. ಅವರ ಮಾರ್ಗದರ್ಶನದಲ್ಲಿ ಗೌತಮ್‌ ಅವರು ಮಂಡಿಸಿದ ನೋಶನ್ಸ್ ಆಫ್ ರಿಯಾಲಿಟಿ ಇನ್ ದ ಫೀಲ್ಡ್ ಆಫ್ ಸ್ಟಾನ್ಲಿಕ್ಯೂಬ್ರಿಕ್ (ಸ್ಟಾನ್ಲಿಕ್ಯೂಬ್ರಿಕ್‌ನ ಸಿನಿಮಾಗಳಲ್ಲಿ ವಾಸ್ತವದ ಬಿಂಬಗಳು) ಮಹಾ ಪ್ರಬಂಧಕ್ಕೆ ಕುವೆಂಪು ವಿಶ್ವ ವಿದ್ಯಾಲಯವು ಡಾಕ್ಟರೇಟ್‌ ಪದವಿ ಘೋಷಿಸಿದೆ. ಗೌತಮ್‌

ಅಜೆಕಾರು : ಕೆರ್ವಾಶೆ ಪೇಟೆಯಲ್ಲಿನ ಫಾಸ್ಟ್‌ಫುಡ್‌ ಅಂಗಡಿಯೊಂದರ ಬಳಿ ಮಟ್ಕಾ ಜುಗಾರಿ ಆಟದಲ್ಲಿ ನಿರತನಾಗಿದ್ದ ಓರ್ವನನ್ನು ಅಜೆಕಾರು ಪೊಲೀಸರು ಆ. 3ರಂದು ವಶಕ್ಕೆ ಪಡೆದಿರುತ್ತಾರೆ. ಜುಗಾರಿ ನಡೆಯುತ್ತಿರುವ ಕುರಿತು ದೊರೆತ ಮಾಹಿತಿ ಮೇರೆಗೆ ಎಸ್‌ಐ ಸುದರ್ಶನ ದೊಡಮನಿ ನೇತೃತ್ವದ ತಂಡ ದಾಳಿ ನಡೆಸಿದ್ದು, ಈ ವೇಳೆ ಅಲ್ಲಿದ್ದ ಇಬ್ಬರು ಪರಾರಿಯಾಗಿದ್ದು, ಆರೋಪಿ ಪೂಂಜಾಂಜಿ ನೂರಾಲ್‌ಬೆಟ್ಟು ಪ್ರದೀಪ ಹೆಗ್ಡೆ (30)ನನ್ನು ವಶಕ್ಕೆ ಪಡೆಯಲಾಗಿದೆ. ಆರೋಪಿತನಿಂದ 2260 ರೂ. ವಶಕ್ಕೆ ಪಡೆಯಲಾಗಿದ್ದು, ಅಜೆಕಾರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರ್ಕಳ : ಕಾರ್ಕಳ ತಾಲೂಕು ನಂದಳಿಕೆ ಬಳಿಯಲ್ಲಿ ಕಾರೊಂದು ಲಾರಿಗೆ ಢಿಕ್ಕಿ ಹೊಡೆದ ಘಟನೆ ಆ. 2ರಂದು ಸಂಭವಿಸಿದೆ. ಕಾರ್ಕಳ ಕಡೆಯಿಂದ ಬೆಳ್ಮಣ್‌ ಕಡೆಗೆ ಸಾಗುತ್ತಿದ್ದ ಕಾರು (KA-19-MA-2963) ಲಾರಿಗೆ (KA-20-AA-4107) ಢಿಕ್ಕಿ ಹೊಡೆದಿದ್ದು, ಪರಿಣಾಮ ಲಾರಿಯ  ಮುಂಭಾಗ ಹಾಗೂ ಕಾರು ಸಂಪೂರ್ಣ ಜಖಂಗೊಂಡಿದೆ. ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಇಬ್ಬರು ಮಹಿಳೆಯರು ಮತ್ತು ಮೂವರು ಪುರುಷರು ಸಣ್ಣಪುಣ್ಣ ಗಾಯಗೊಂಡಿರುತ್ತಾರೆ ಎಂದು ತಿಳಿದುಬಂದಿದೆ. ಈ ಕುರಿತು ಕಾರ್ಕಳ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರ್ಕಳ : ದ್ವಿತೀಯ ಪಿಯುಸಿ ಪರೀಕ್ಷೆಯ ವಾಣಿಜ್ಯ ವಿಭಾಗದಲ್ಲಿ ಶೇ. 96. 83 ಫಲಿತಾಂಶ ಪಡೆದ ಜ್ಞಾನಸುಧಾ ಶಿಕ್ಷಣ ಸಂ‍ಸ್ಥೆಯ ವಿದ್ಯಾರ್ಥಿನಿ ಇಶಾ ಎಚ್‌. ಕುಂದರ್ ಅವರನ್ನು ಸ್ಥಳೀಯ ಸಾಮಾಜಿಕ ಕಾರ್ಯಕರ್ತರು ಸನ್ಮಾನಿಸಿದರು. ಈ ಸಂದರ್ಭ ಬಿಜೆಪಿ ಜಿಲ್ಲಾ ಸಮಿತಿ ಪ್ರಧಾನ ಕಾರ್ಯದರ್ಶಿ ರವೀಂದ್ರ ಕುಮಾರ್‌, ಕುಕ್ಕುಂದೂರು ಗ್ರಾ.ಪಂ. ಮಾಜಿ ಅಧ್ಯಕ್ಷರಾದ ರಾಜೇಶ್‌ ರಾವ್‌, ಜ್ಯೋತಿ ರಮೇಶ್‌, ಮಾಜಿ ಸದಸ್ಯ ಯೋಗೀಶ್‌ ಸಾಲ್ಯಾನ್‌, ಪ್ರಸಾದ್‌ ಐಸಿರ, ಪ್ರಸನ್ನ, ಸ್ನೇಹೇಶ್‌ ಶೆಟ್ಟಿ ಉಪಸ್ಥಿತರಿದ್ದರು. ವಿದ್ಯಾರ್ಥಿನಿ ತಂದೆ ಹರೀಶ್‌ ಕುಂದರ್‌,

ಕಾರ್ಕಳ : ರಶ್ಮಿ ಚಾರಿಟೇಬಲ್‌ ಟ್ರಸ್ಟ್‌ ವತಿಯಿಂದ ವಿಜೇತ ವಸತಿಯುತ ವಿಶೇಷ ಶಾಲೆಗೆ ರೂ. 50 ಸಾವಿರ ದೇಣಿಗೆ ನೀಡಲಾಯಿತು. ರಶ್ಮಿ ಚಾರಿಟೇಬಲ್‌ ಅಧ್ಯಕ್ಷೆ ಸಾವಿತ್ರಿ ರಾಜು, ಟ್ರಸ್ಟ್‌ ನಿರ್ದೇಶಕ, ಉದ್ಯಮಿ ಡಿ. ಆರ್. ರಾಜು ವಿಜೇತ ವಿಶೇಷ ಶಾಲೆಗೆ ಭೇಟಿ ನೀಡಿ ಶಾಲಾ ಸಂಸ್ಥಾಪಕಿ ಡಾ. ಕಾಂತಿ ಹರೀಶ್ ಅವರಿಗೆ ಹಸ್ತಾಂತರಿಸಿದರು. ಕರುಣಾಕರ್ ಶೆಟ್ಟಿ ದಾವಣಗೆರೆ, ಬಾಲಕೃಷ್ಣ ಶೆಟ್ಟಿ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಕಾರ್ಕಳ : ಕರಿಯಕಲ್ಲು ಸಾರ್ವಜನಿಕ ಹಿಂದೂ ರುದ್ರ ಭೂಮಿಗೆ ಸ್ಥಳೀಯರು ಸುಣ್ಣಬಣ್ಣ ಬಳಿಯುವ ಕಾರ್ಯ ಮಾಡಿದರು. ಪುರಸಭೆ ಮಾಜಿ ಸದಸ್ಯ ಪ್ರಕಾಶ್‌ ರಾವ್‌ ನೇತೃತ್ವದಲ್ಲಿ ನಡೆದ ಶ್ರಮದಾನದಲ್ಲಿ ಜ್ಞಾನದೇವ, ದಾಮೋದರ್‌ ರಾವ್‌ ಜೋಡುಕಟ್ಟೆ, ಸುರೇಶ್‌ ಕುಲಾಲ್‌, ರಾಜೇಶ್‌ ರಾವ್‌, ರಮೇಶ್‌ ಪೂಜಾರಿ, ನಾಗೇಶ್‌ ರಾವ್‌, ರಾಜೇಶ್‌ ಶೆಟ್ಟಿ, ಸಂತೋಷ್‌ ರಾವ್‌, ಕೃಷ್ಣ ನಾಯ್ಕ್‌, ಗಿರೀಶ್‌ ರಾವ್‌, ರಾಜಾರಾಂ, ಸುರೇಂದ್ರ ರಾವ್‌, ಪ್ರಜ್ವಲ್‌ ಆಲ್ವಿನ್‌ ಡಿʼಸೋಜಾ, ಹರೀಶ್‌ ಪೂಜಾರಿ, ತಾರಾನಾಥ್‌, ಸತೀಶ್‌ ರಾವ್‌ ಪಾಲ್ಗೊಂಡರು.