ಧಾರ್ಮಿಕ

ದುರ್ಗಾಷ್ಟಮಿ ದಿನ ದೇವಿಯ ಆರಾಧನೆ ಅತ್ಯಂತ ವಿಶೇಷವಾದದ್ದು. ಪಶ್ಚಿಮ ಬಂಗಾಳದಲ್ಲಿ ದುಗಾಷ್ಟಮಿ ಬಹು ದೊಡ್ಡ ಹಬ್ಬ. ಕಾಳಿಕಾ ಆರಾಧನೆ ಅಲ್ಲಿ ಮನೆ ಮನೆಯ ಹಬ್ಬ. ದುರ್ಗೆ ಸಿಂಹದ ಮೇಲೆ ಕುಳಿತವಳು. ಅಷ್ಟಭುಜೆ. ಎಂಟು ಕರಗಳಲ್ಲಿ ಆಯುಧಗಳು ಮತ್ತು ತಾವರೆಯ ಹೂವು ಧರಿಸಿದವಳು. 108 ದೀಪ ಹಚ್ಚಿ, 108 ಬಿಲ್ವಪತ್ರೆ ಅರ್ಪಿಸುವ ಮೂಲಕ ಆಕೆಯ ಪೂಜೆ ಮಾಡುತ್ತಾರೆ. ದುರ್ಗಾಷ್ಟಮಿ ದಿನ ತಾಮಸ ಶಕ್ತಿಗಳು ಭೂಮಿಯ ಸಮೀಪ ಬರುವ ಕಾರಣ ದುರ್ಗೆಯ ಆರಾಧನೆಯ ಮೂಲಕ ಸಾತ್ವಿಕ ಶಕ್ತಿ ಹೆಚ್ಚುತ್ತದೆ. ಕನ್ಯಾ

ನವರಾತ್ರಿಯ ಏಳನೇ ದಿನದ ಪೂಜೆ ಕಾಳರಾತ್ರಿ ದೇವಿಗೆ ಮೀಸಲು. ಈಕೆಯ ರೂಪ ಭಯಾನಕ. ಈಕೆ ಕತ್ತೆಯನ್ನು ವಾಹನ ಮಾಡಿಕೊಂಡಿದ್ದಾಳೆ. ಕೈಯ್ಯಲ್ಲಿ ಮಿರುಗುವ ಖಡ್ಗ, ಅಭಯ ಮುದ್ರೆ, ವರಮುದ್ರೆ ಮೊದಲಾದವು ಇವೆ. ಮೂರನೇ ಕಣ್ಣು ಬೆಂಕಿಯನ್ನು ಉಗುಳುತ್ತದೆ. ಕಾಳರಾತ್ರಿ ಎಂದರೆ ಕತ್ತಲೆಯ ರಾತ್ರಿ ಎಂದರ್ಥ. ರೌದ್ರ ಮತ್ತು ಭೀಭತ್ಸ ಆದ ರೂಪ ಆಕೆಯದ್ದು. ಅಷ್ಟೇ ಕರುಣಾಮಯಿ.ಕಡು ಕೆಂಪು ಆಕೆಗೆ ಇಷ್ಟವಾದ ಬಣ್ಣ.

ನವರಾತ್ರಿ ಆರನೇ ದಿನ ದೇವಿಯ ಅವತಾರ ಕಾತ್ಯಾಯನಿ ಎಂದು ಪ್ರಸಿದ್ಧವಾಗಿದೆ. ಇದು ದೇವಿಯ ಶಕ್ತಿಶಾಲಿಯಾದ ರೂಪ. ಈ ಅವತಾರದಲ್ಲಿ ಮಹಿಷಾಸುರನನ್ನು ದೇವಿ ಸಂಹಾರ ಮಾಡುತ್ತಾಳೆ. ಆಕೆಯ ಕೈಯಲ್ಲಿ ಖಡ್ಗ ,ತಾವರೆ, ಅಭಯ ಮುದ್ರೆ ಮತ್ತು ವರ ಮುದ್ರೆಗಳಿದ್ದು ಆಕೆ ಚತುರ್ಭುಜೆಯಾಗಿದ್ದಾಳೆ. ಕಾತ್ಯಾ ಎಂಬ ಋಷಿಯಿಂದ ಅವಳು ಘೋಷಿಸಲ್ಪಟ್ಟ ಕಾರಣ ಆಕೆಗೆ ಕಾತ್ಯಾಯಿನಿ ಎಂಬ ಹೆಸರು ಬಂದಿದೆ. ಅವಳು ವೈಭವದ ಸಿಂಹದ ಮೇಲೆ ಕುಳಿತವಳು. ವಿವಾಹಯೋಗ್ಯ ಕನ್ಯೆಯರಿಗೆ ಆಕೆಯ ಪೂಜೆ ಮಾಡುವುದರಿಂದ ಒಳ್ಳೆಯ ವರ ಸಿಗುತ್ತಾನೆ ಎಂಬ ನಂಬಿಕೆ

ನವರಾತ್ರಿಯ ಐದನೇ ದಿನ ದೇವಿಯ ಅವತಾರ ಸ್ಕಂದ ಮಾತಾ. ಸ್ಕಂದ ಅಂದರೆ ಸುಬ್ರಮಣ್ಯ. ಆದ್ದರಿಂದ ಈಕೆ ಮಾತೃಸ್ವರೂಪಿ. ಈಕೆ ನಾಲ್ಕು ಭುಜ ಹೊಂದಿರುವ ಕಾರಣ ಚತುರ್ಭುಜೆ. ಆಕೆಯ ಎರಡು ಕೈಯಲ್ಲಿ ತಾವರೆಯ ಹೂ, ಒಂದು ಕೈಯಲಿ ಸ್ಕಂದ ಮತ್ತು ನಾಲ್ಕನೆಯ ಕೈಯ್ಯಲ್ಲಿ ಅಭಯ ಮುದ್ರೆ ಧರಿಸಿದವಳು. ಯಾವುದೇ ಆಯುಧ ಆಕೆಯ ಕೈಗಳಲ್ಲಿ ಇಲ್ಲ. ಮುಖದಲ್ಲಿ ಶಾಂತಿ ಮತ್ತು ಗಾಂಭಿರ್ಯ ಎದ್ದು ಕಾಣುತ್ತದೆ. ಸಿಂಹದ ಮೇಲೆ ಕುಳಿತವಳು ಸ್ಕಂದ ಮಾತಾ. ಬುದ್ದಿಕಾರಕನಾದ ಬುದ್ಧನನ್ನು ಒಲಿಸಿಕೊಂಡ ಕಾರಣ ಆಕೆ ಬುದ್ದಿಪ್ರದಾಯಿನಿ.

ನವರಾತ್ರಿಯ ನಾಲ್ಕನೇ ದಿನ ಪೂಜೆ ಸ್ವೀಕರಿಸುವ ದೇವಿಯ ಅವತಾರವೇ ಕೂಶ್ಮಾಂಡ ದೇವಿ. ಎಂಟು ಭುಜಗಳನ್ನು ಹೊಂದಿರುವ ಕಾರಣ ಈಕೆಯನ್ನು ಅಷ್ಟಭುಜೆ  ಎಂದೂ ಕರೆಯುತ್ತಾರೆ. ಈಕೆ ಹುಲಿಯ ಮೇಲೆ ಕುಳಿತವಳು. ಆಕೆಯ ಕೈಯ್ಯಲ್ಲಿ ತಾವರೆ, ಚಕ್ರ, ಬಿಲ್ಲು, ಬಾಣ, ಗದೆ, ಜಪಮಾಲೆ, ಕಮಂಡಲ ಇವುಗಳ ಜೊತೆಗೆ ಅಭಯ ಮುದ್ರೆ ಇರುತ್ತದೆ. ಸೂರ್ಯನ ಶಕ್ತಿಗೆ ಆಕೆ ಕಾರಣ ಎಂಬ ನಂಬಿಕೆ ಇದೆ. ಬೂದುಗುಂಬಳ ಆಕೆಗೆ ತುಂಬಾ ಇಷ್ಟವಾಗಿದೆ.ಈಕೆ ರಕ್ತಕೆಂಪು ವಸ್ತ್ರಧಾರಿಣಿ.

ನವರಾತ್ರಿಯ ಎರಡನೇ ದಿನದ ಪೂಜೆ ಪಡೆಯುವವಳು ಬ್ರಹ್ಮಚಾರಿಣಿ .ಆಕೆ ಶಿವನನ್ನು ಒಲಿಸಲು ಕಠಿಣ ತಪಸ್ಸನ್ನು ಗೈದ ಪಾರ್ವತಿಯ ಅವತಾರ. ವೈರಾಗ್ಯದ ಪ್ರತಿ ಮೂರ್ತಿ .ಬಿಳಿ ಬಣ್ಣದ ಸೀರೆ ಉಟ್ಟು ನಿಂತವಳು. ಬಲಕೈಯ್ಯಲ್ಲಿ ಜಪಮಾಲೆ. ಎಡ ಕೈಯ್ಯಲ್ಲಿ ಕಮಂಡಲ. ಯಾ ದೇವಿ ಸರ್ವ ಭೂತೇಷು ಬ್ರಹ್ಮಚಾರಿಣಿ ರೂಪೇನ ಸಂಸ್ಥಿತಾ ಎಂದು ಭಜಕರ ಮಂತ್ರಗಳಿಂದ ಪ್ರಸನ್ನ ಆಗುವವಳು ಬ್ರಹ್ಮಚಾರಿಣಿ. ನವರಾತ್ರಿಯ ಎರಡನೇ ದಿನದ ಪೂಜೆ ಆಕೆಗೆ. ಮಲ್ಲಿಗೆ ಅವಳಿಗೆ ಇಷ್ಟವಾದ ಹೂವು.