ದುಬೈ: ಕೋವಿಡ್ 19ನಿಂದಾಗಿ ಐಸಿಸಿ ಟಿ20 ವಿಶ್ವಕಪ್ 2020 ಟೂರ್ನಿಯನ್ನು ಮುಂದೂಡಲಾಗಿದೆ ಎಂದು ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಸೋಮವಾರ ಪ್ರಕಟಿಸಿದೆ. ಈ ಪಂದ್ಯಾವಳಿ ಈ ವರ್ಷ ಅಕ್ಟೋಬರ್ 18 ರಿಂದ ನವೆಂಬರ್ 15ರ ನಡುವೆ ಆಸ್ಟ್ರೇಲಿಯಾದಲ್ಲಿ ನತೆಯಬೇಕಿತ್ತು. ಆಸ್ಟ್ರೇಲಿಯಾದಲ್ಲಿ ನಡೆಯಬೇಕಿದ್ದ ಈ ಟೂರ್ನಿಯನ್ನು ಕೋವಿಡ್ 19 ಹಾವಳಿಯಿಂದಾಗಿ ಮುಂದೂಡಿಕೆ ಮಾಡಲಾಗಿದೆ ಎಂದು ಐಸಿಸಿ ಘೋಷಿಸಿದೆ.
ಇದೇ ವೇಳೆ ಭಾರತದಲ್ಲಿ ಆಡಲಿರುವ 2023ರ ವಿಶ್ವಕಪ್ ಸೇರಿದಂತೆ ಮುಂದೆ ಬರುವ ಮೂರು ವಿಶ್ವಕಪ್ಗಳ ಪರಿಷ್ಕೃತ ದಿನಾಂಕವನ್ನು ಸಹ ಐಸಿಸಿ ಬಹಿರಂಗಪಡಿಸಿದೆ.
ಐಸಿಸಿ ಪುರುಷರ ಟಿ20 ವಿಶ್ವಕಪ್ 2021 ಅಕ್ಟೋಬರ್ – ನವೆಂಬರ್ 2021 ರಂದು ಫೈನಲ್ ಪಂದ್ಯದೊಂದಿಗೆ 14 ನವೆಂಬರ್ 2021 ರಂದು ನಡೆಯಲಿದೆ ಎಂದು ಹೇಳಿಕೆ ತಿಳಿಸಿದೆ.
ಐಸಿಸಿ ಪುರುಷರ ಟಿ 20 ವಿಶ್ವಕಪ್ 2022 ಅಕ್ಟೋಬರ್ – ನವೆಂಬರ್ 2022 ರಂದು ಫೈನಲ್ ಪಂದ್ಯದೊಂದಿಗೆ 13 ನವೆಂಬರ್ 2022 ರಂದು ನಡೆಯಲಿದೆ ಎಂದಿದೆ.
2023ರಲ್ಲಿ 50 ಓವರ್‌ಗಳ ಐಸಿಸಿ ವಿಶ್ವಕಪ್ ಭಾರತದಲ್ಲಿ ಅಕ್ಟೋಬರ್ – ನವೆಂಬರ್ 2023ರಂದು ನಡೆಯಲಿದ್ದು, ಫೈನಲ್ 26 ನವೆಂಬರ್ 2023 ರಂದು ನಡೆಯಲಿದೆ ಎಂದು ಐಸಿಸಿ ಹೇಳಿದೆ.
