ಜೆಸಿಐ ಕಾರ್ಕಳ ರೂರಲ್‌ಗೆ ಅತ್ಯುತ್ತಮ ಘಟಕ ಪ್ರಶಸ್ತಿ

ಕಾರ್ಕಳ : ಜೇಸಿಐ ಭಾರತ ವಲಯ 15ರ ಸೌಪರ್ಣಿಕಾ ಪ್ರಾಂತ್ಯ ಸಿಯ ಅತ್ಯುತ್ತಮ ಘಟಕ ಪ್ರಶಸ್ತಿಯನ್ನು ಜೆಸಿಐ ಕಾರ್ಕಳ ರೂರಲ್ ಪಡೆದುಕೊಂಡಿದೆ. ಕಳೆದ ವರ್ಷ ದಶಮಾನೋತ್ಸವದ ಸಂಭ್ರಮ ಆಚರಿಸಿದ ಈ ಘಟಕ ಪ್ರಸಕ್ತ ವರ್ಷದಲ್ಲಿ ಹಮ್ಮಿಕೊಂಡ ವಿವಿಧ ಜನಮನ್ನಣೆಯ ಕಾರ್ಯಕ್ರಮಗಳಿಗಾಗಿ ಈ ಪ್ರಶಸ್ತಿ ದೊರೆತಿದೆ.
ಕಾಪು ಇನಾಸನ್ ಆಡಿಟೋರಿಯಂನಲ್ಲಿ ನಡೆದ ವಲಯ ಮಧ್ಯಂತರ ಸಮ್ಮೇಳನದಲ್ಲಿ ವಲಯಾಧ್ಯಕ್ಷ ಸಂತೋಷ್ ಶೆಟ್ಟಿಯವರು ಘಟಕದ ಅಧ್ಯಕ್ಷ ಸೃಜನ್ ಪೂಜಾರಿಯವರಿಗೆ ಪ್ರಶಸ್ತಿ ನೀಡಿದರು. ಈ ಸಂದರ್ಭ ವಲಯ ಉಪಾಧ್ಯಕ್ಷರಾದ ಡಾ ಹರಿಣಾಕ್ಷಿ ಕರ್ಕೇರ, ಅರುಣ್ ಮಾಂಜ, ಘಟಕದ ಸ್ಥಾಪಕರಾದ ಸತೀಶ್ ಪೂಜಾರಿ ಕಲತ್ರಪಾದೆ, ಲೇಡಿ ಜೇಸಿ ಸಂಯೋಜಕಿ ಮಮತಾ ಸಂತೋಷ್, ಪೂರ್ವಾಧ್ಯಕ್ಷರಾದ ವೀಣಾ ರಾಜೇಶ್, ಮಂಜುನಾಥ ಕೋಟ್ಯಾನ್ ಹಾಗೂ ರಕ್ಷಣ್, ವರ್ಷಿತ್ ಉಪಸ್ಥಿತರಿದ್ದರು.