Saturday, October 1, 2022
spot_img
Homeಸ್ಥಳೀಯ ಸುದ್ದಿಚಾಕೋಲೇಟ್ ಕವರ್ ನುಂಗಿ 6 ವರ್ಷದ ಬಾಲಕಿ ಮೃತ್ಯು

ಚಾಕೋಲೇಟ್ ಕವರ್ ನುಂಗಿ 6 ವರ್ಷದ ಬಾಲಕಿ ಮೃತ್ಯು

ಉಡುಪಿ : ಜಿಲ್ಲೆಯ ಉಪ್ಪುಂದದ ಬಿಜೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಬವಳಾಡಿ ಗ್ರಾಮದ ನಿವಾಸಿ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಎರಡನೇ ತರಗತಿಯ ವಿದ್ಯಾರ್ಥಿನಿ ಸಮನ್ವಿ (6) ಮೃತ ಬಾಲಕಿ ಎಂದು ತಿಳಿದು ಬಂದಿದೆ.
ಬುಧವಾರ ಬೆಳಗ್ಗೆ ಎಂದಿನಂತೆ ಶಾಲೆಗೆ ಹೊರಟಿದ್ದ ಪುಟಾಣಿ ಹಠ ಹಿಡಿದಿದ್ದು, ಮಗುವನ್ನು ಸಮಾಧಾನ ಪಡಿಸುವುದಕ್ಕೆ ತಾಯಿ ಚಾಕೋಲೇಟ್ ಕೊಟ್ಟಿದ್ದರು. ಇದೇ ವೇಳೆಗೆ ಶಾಲೆಗೆ ಕರೆದೊಯ್ಯುವ ವಾಹನ ಬಂದಿದ್ದು, ಬಾಲಕಿ ಗಡಿಬಿಡಿಯಲ್ಲಿ ಕವರ್ ಸಹಿತ ಚಾಕೋಲೇಟ್ ನುಂಗಿದ್ದಾಳೆ ಎನ್ನಲಾಗಿದೆ.
ಚಾಕೋಲೇಟ್‌ನ ಕವರ್ ಗಂಟಲಿನಲ್ಲಿ ಸಿಲುಕಿ ಕೊಂಡಿದ್ದು, ಉಸಿರಾಟದ ತೊಂದರೆ ಕಾಣಿಸಿಕೊಂಡಿದೆ. ಕೂಡಲೇ ಬೈಂದೂರಿನ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಗಂಟಲಿನಲ್ಲಿ ಸಿಲುಕಿಕೊಂಡಿದ್ದ ಚಾಕೋಲೇಟ್ ಹೊರಗೆ ತೆಗೆಯಲಾಗಿದೆ. ಆದರೂ ಅಷ್ಟು ಹೊತ್ತಿಗಾಗಲೇ ಬಾಲಕಿ ಮೃತ ಪಟ್ಟಿದ್ದಳು ಎಂದು ವೈದ್ಯರು ತಿಳಿಸಿದ್ದಾರೆ. ಈ ಬಗ್ಗೆ ತನಿಖೆ ನಡೆಯುತ್ತಿದ್ದು, ಇನ್ನಷ್ಟೇ ಹೆಚ್ಚಿನ ಮಾಹಿತಿ‌ ಸಿಗಬೇಕಿದೆ.

LEAVE A REPLY

Please enter your comment!
Please enter your name here

Most Popular

error: Content is protected !!