ಕಾರ್ಕಳ : ಆಜಾದಿ ಕಾ ಅಮೃತ್ ಮಹೋತ್ಸವ್‌ ಅಂಗವಾಗಿ ಜೆಸಿಐ ಕಾರ್ಕಳ, ಕಾರ್ಮಿಕ ಕಲ್ಯಾಣ ಇಲಾಖೆ, ರೋಟರಿ ಕ್ಲಬ್ ಕಾರ್ಕಳ, ರಿಕ್ಷಾ ಚಾಲಕ ಮತ್ತು ಮಾಲಕರ ಸಂಘ ಬಜಗೋಳಿ, ಬೀಡಿ ಕಾರ್ಮಿಕರ ಆಸ್ಪತ್ರೆ, ಸ್ವಚ್ಛತಾ ಬ್ರಿಗೇಡ್ ಬಜಗೋಳಿ, ಭಂಡಾರಿ ಸಮಾಜ ಸಂಘ ಆಶ್ರಯದಲ್ಲಿ ಪ್ರಸಾದ್ ನೆತ್ರಾಲಯ ಸಹಯೋಗದೊಂದಿಗೆ ಮಾ. 6ರಂದು ಉಚಿತ ನೇತ್ರಾ ತಪಾಸಣಾ ಮತ್ತು ಆರೋಗ್ಯ ತಪಾಸಣಾ ಶಿಬಿರ ನಡೆಯಿತು. ವಿಧಾನ ಪರಿಷತ್‌ ಮಾಜಿ ಸದಸ್ಯ ರಮೇಶ್ ಕಾರ್ಣಿಕ್‌ ಶಿಬಿರ ಉದ್ಘಾಟಿಸಿದರು. ಡಾ. ರಾಮದುರ್ಗ ಪ್ರಸಾದ್ ಅಧ್ಯಕ್ಷತೆ ವಹಿಸಿದ್ದರು.
ರೋಟರಿ ಕ್ಲಬ್ ಅಧ್ಯಕ್ಷ ಸುರೇಶ್ ನಾಯಕ್, ಗಾಜ್ರಿಯ ಸ್ಪೆಷಾಲಿಟಿ ಆಸ್ಪತ್ರೆ ಸ್ತ್ರೀ ರೋಗ ತಜ್ಞ ಡಾ. ಕೃಷ್ಣಾನಂದ ಮಲ್ಯ, ಪ್ರಸಾದ್ ನೇತ್ರಾಲಯದ ಡಾ. ಗುಣಶ್ರೀ, ಪಂಚಾಯತ್ ಅಧ್ಯಕ್ಷ ಸುರೇಶ್ ಶೆಟ್ಟಿ, ಭಂಡಾರಿ ಸಮಾಜದ ಅಧ್ಯಕ್ಷ ಶೇಖರ್ ಹೆಚ್. ಭಂಡಾರಿ, ಮೆಡಿಕಲ್ ಆಫೀಸರ್ ಡಾ. ರಾಮಕೃಷ್ಣ ಭಟ್, ರಿಕ್ಷಾ ಚಾಲಕ ಮತ್ತು ಮಾಲಕರ ಸಂಘದ ಅಧ್ಯಕ್ಷ ಹರೀಶ್ ಶೆಟ್ಟಿ, ಸ್ವಚ್ಛ್‌ ಬ್ರಿಗೇಡ್ ನ ಪ್ರಶಾಂತ್ ಜೈನ್ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸುಮಾರು 90 ಮಂದಿ ಶಿಬಿರದ ಪ್ರಯೋಜನ ಪಡೆದರು. ದಿವ್ಯಸ್ಮಿತಾ ಭಟ್ ಸ್ವಾಗತಿಸಿ, ನಿರೀಕ್ಷಾ ಭಟ್ ಜೇಸಿ ವಾಣಿ ವಾಚಿಸಿದರು. ಜೇಸಿಯ ನಿಯೋಜಿತ ಕಾರ್ಯದರ್ಶಿ ಶ್ವೇತಾ ಎಸ್. ಜೈನ್, ಡಾ. ಭಾಗ್ಯಲಕ್ಷ್ಮಿ ನಿರೂಪಿಸಿದರು. ಮೋಹನ್ ದಾಸ್ ಶೆಣೈ ಸಹಕರಿಸಿದರು.
---
