Saturday, October 16, 2021
spot_img
Homeವಿದೇಶಭಾರತ ಪ್ರವೇಶಿಸಲಿಚ್ಛಿಸುವ ಆಫ್ಘನ್ನರಿಗೆ ಇನ್ಮುಂದೆ ಇ-ವೀಸಾ ಕಡ್ಡಾಯ

ಭಾರತ ಪ್ರವೇಶಿಸಲಿಚ್ಛಿಸುವ ಆಫ್ಘನ್ನರಿಗೆ ಇನ್ಮುಂದೆ ಇ-ವೀಸಾ ಕಡ್ಡಾಯ

ನವದೆಹಲಿ: ಅಫ್ಘಾನಿಸ್ತಾನದಲ್ಲಿ ಸೃಷ್ಟಿಯಾಗಿರುವ ಬಿಕ್ಕಟ್ಟಿನಿಂದಾಗಿ ಭದ್ರತಾ ದೃಷ್ಟಿಯಿಂದ ಭಾರತಕ್ಕೆ ಬರಲು ಇಚ್ಛ್ಹಿಸುವ ಆಫ್ಘನ್ನರು ಕಡ್ಡಾಯವಾಗಿ ಇ-ವೀಸಾ ಹೊಂದಿರಬೇಕು ಎಂದು ಭಾರತೀಯ ವಿದೇಶಾಂಗ ಸಚಿವಾಲಯ ಸೂಚನೆ ಹೊರಡಿಸಿದೆ. ತುರ್ತಿನ ಸನ್ನಿವೇಶ ಎದುರಾಗಿರುವುದರಿಂದ ಭಾರತೀಯ ವೀಸಾ ಆಕಾಂಕ್ಷಿಗಳಿಗೆ ಕ್ಷಿಪ್ರ ಗತಿಯಲ್ಲಿ ವೀಸಾ ನೀಡಿಕೆ ಪ್ರಕ್ರಿಯೆಯನ್ನು ನಡೆಸಲು ಸಹಾಯವಾಗುವಂತೆ ಭಾರತ ಇ-ವೀಸಾ ಕಾರ್ಯಕ್ರಮ ಜಾರಿಗೊಳಿಸಿತ್ತು. 

ಕೆಲ ಆಫ್ಘನ್ನರ ಪಾಸ್ ಪೋರ್ಟ್ ಗಳು ಕಾಣೆಯಾಗಿರುವ ಬಗ್ಗೆ ವರದಿಗಳು ಕೇಳಿಬಂದ ಹಿನ್ನೆಲೆಯಲ್ಲಿ ಭಾರತ ಈ ಹಿಂದೆ ಆಫ್ಘನ್ನರಿಗೆ ನೀಡಿದ್ದ ವೀಸಾಗಳಿಗೆ ನಿರ್ಬಂಧ ಹೇರಿದೆ. ಕೇವಲ ಇ- ವೀಸಾಗಳು ಮಾತ್ರವೆ ಮಾನ್ಯತೆ ನೀಡಲಾಗುವುದು.

ಆಫ್ಘನ್ ನಾಗರಿಕರು ಭಾರತದ ಇ-ವೀಸಾ ಪಡೆಯಲು ಅಧಿಕೃತ ಜಾಲತಾನದಲ್ಲಿ ಮೊದಲು ಅರ್ಜಿ ಸಲ್ಲಿಸಬೇಕು. ಎಲ್ಲಾ ಆಫ್ಗನ್ನರು ಜಾತಿಭೇದಗಳ ಹಂಗಿಲ್ಲದೆ ಯಾರು ಬೇಕಾದರೂ ಭಾರತದ ಇ-ವೀಸಾಗಾಗಿ ಅರ್ಜಿ ಸಲ್ಲಿಸಬಹುದಾಗಿದೆ. ನವದೆಹಲಿಯಲ್ಲಿ ಅರ್ಜಿಯ ಪರಿಶೀಲನೆ ನಡೆಸಲಾಗುವುದು. 

ಆಗಸ್ಟ್ 17ರಂದು ಭಾರತ ಆಫ್ಘನ್ನರಿಗೆ ಇ-ವೀಸಾ ಘೋಷಣೆ ಮಾಡಿತ್ತು. ಅಫ್ಘಾನಿಸ್ತಾನದಲ್ಲಿ ಭಾರತ ತನ್ನೆಲ್ಲಾ ರಾಜತಾಂತ್ರಿಕ ಕಚೇರಿಗಳನ್ನು ಮುಚ್ಚಿರುವುದರಿಂದ ಆನ್ ಲೈನ್ ಮುಖಾಂತರ ಮಾತ್ರವೇ ಆಫ್ಘನ್ನರು ಇ-ವೀಸಾಗಾಗಿ ಅರ್ಜಿ ಸಲ್ಲಿಸಬಹುದಾಗಿದೆ. 

LEAVE A REPLY

Please enter your comment!
Please enter your name here

Most Popular

Recent Comments

ಧರಣೇಂದ್ರ ಕುಮಾರ್ on ವಿಶ್ವಕ್ಕೆ ಕನಕ: ಕನಕದಾಸ
ಧರಣೇಂದ್ರ ಕುಮಾರ್ on ತುಳಸಿ ಪೂಜೆಯ ಮಹತ್ವ
ಧರಣೇಂದ್ರ ಕುಮಾರ್ on ಕಗ್ಗದ ಸಂದೇಶ
error: Content is protected !!